ASASA livly 樂園

晴朗

不得了……好曬！再見艷陽天。

兩隻仔女終於都成為完全體！但還有一些技能未懂，仍需努力。

肥妹　　　　　　　　　　嘟嘴仔
　　

女，妳連為食都似足阿媽呀？！


*************************************************

好，講返我既愉快單拖海灘遊。

話說昨天我非常衝動地兩點半才搭車到淺水灣游水（曬太陽？！），坐車時心裡有點懊惱自己「勞師動眾」，但腳掌一踏到細沙，我已立即覺得「值回票價」！

鋪好蓆，放好袋袋，搽上 8 號太陽油（搽背脊時如做瑜伽），拿出雪梨茶喝幾口，用 mini glamour 毛巾蓋著臉，我正式成為一隻待烤燒豬！
昨天雖然陽光不算真正毒辣，卻真的很熱，連焗桑拿都不出汗的我都不停出汗！
背向太陽時我一向都會解開泳衣帶，遠遠聽到那班十幾歲靚仔靚妹在嘩然……（汗）。
坐起身子將汗曬乾，順便看那本新買的《amy》。很悶……內容悶，圖片悶，沒有文采，沒有美感，沒有創意，才女才盡了嗎？
因為蓆、茶和雜誌都在七仔買，無端端「儲」了三個很可愛的哈佬咪咪襟章……（汗汗）。

六時我收蓆，去沖身。有外籍麻甩佬特登在我對面及住我沖身！妖！我即刻閃到另一排沖，他還在及！（汗汗汗）

搭巴士到銅鑼灣與漫畫手 P 記匯合。
說你也不信，我們碰見某卡拉 OK 正在搞試音會，於是即場參加！（把聲極靚的 P 唱歌非常好聽，高音到你唔信！）
等了幾乎兩個鐘才到我們！快手唱完便算，P 笑：「橫掂冇錢，當唱免費 K！」又說估不到我咁夠膽玩，原來這是她第一次「上台」唱歌……

唱完歌兩條茂利跳住去食 crepes。這種薄班戟我在英國常吃，因為超市買得到，不貴。宿友弄過一款吞拿魚生洋蔥碎的給我吃，印象難忘。
我點了一個蘑菇芝士，不夠，再吃咖哩雞肉。前者香，後者太韌。
P 吃一個火腿粟米，我見伊饞，請她吃一個甜的，她要了甚麼棉花糖朱古力碎……黐立立，恐怖！

本來今天也約了去淺水灣，但有人臨時被禁，有人臨時不方便……不要緊，我在家裡嘆海蜇螺肉牛展紅腸拼盤，好開心！

By asasa at 11:24 | link | comments (4) | mero, fooood, liiiife

Comments:

#1  26 June 2005 - 12:30

 

哎，喺香港就係咁，有啲賤人會覺得去海灘喪及會好過去叫雞，因為唔駛錢又有女仔自動波濤洶湧擺POSE屎。唔明點解啲人咁猥瑣，係唔係前世未見過女人著得少同曬太陽架！！？

我去過赤柱曬太陽見到啲女人又係爭唔落，自己著得少，三點式咁樣想靚又有人睇咪俾人睇囉，有人睇又出聲「０習」人又睥住人，仲要係曬咁耐塊面就黑咁耐，叫佢不如出去俾錢曬燈啦頂～

LIQIU

Anonymous

#2  26 June 2005 - 20:00

 

如果曬緊都不滿被及又真係奇怪 D ……所以我比較鍾意去西貢，少人 D 嘛。

asasa

#3  26 June 2005 - 22:23

 

索才有人'目及', 哈哈!!
bug

Anonymous

#4  27 June 2005 - 07:09

 

我又唔會自認唔索架，呵呵！

asasa

Comments: