ASASA livly 樂園

　
　
　
　

•  

團年飯

昨晚和全家族吃團年飯。祖母、大姑母四口、我家五口連未來弟婦再加工人、兩位叔叔和叔母，只欠身在烏魯木齊的小姑姐，而二姑丈四口只來了一半。

父親那代還有這種畀面派對，我這一代當然是沒有聚頭的──怎聚？工作居住地點遍布全港九新界。
好，老實點，除了一向不會電話聯絡外，我也嫌他們土。長得歪歪斜斜，衣著又核突，兼語言無味。
大表弟教書，大表妹做市場部勁忙而且一向只親她爸爸家的親戚，二表弟做 sales，三表弟讀大學，小表弟因喪母變壞現在連做甚麼工也不知。
大家的生活南轅北轍，聊甚麼好？
我連兩個弟弟都只是勉勉強強聊到兩句，還怎跟表弟妹溝通？反過來，他們也未必有興趣跟這個疏遠的大表姐談私人生活吧！

有位外姓長輩還一直拉着我說：「妳要做召集人啊！你們這一輩靠妳了！」
我只能（冷）笑。

沒辦法，親人也靠緣分。我是跟祖母好一點，同姓的長輩也不錯，外姓人就差一點。

彷彿我天生就是要做這種丑角，無論在家在家族在公司在愛情，常常做着自己不喜歡的角色，老鳳要嘻嘻哈哈扮開心，又天性心軟，不懂推卻。
還是我天性不可愛，於是潛意識做着「另一個人」？……

By asasa at 10:54 | link | comments (4) |

精神呀！

上天蠍既尊貴眼鏡舖頭，忽然講起生肖風水流年。
生意人嘛，當然信呢啲。佢：「年尾我個生肖好黑仔！叫大師起個卦，真係話得十日生意就得十日！」
我瞪眼，我同佢同生肖喎！
一揭本運程書，小，真係講我會情海翻波，唔係咁撚準嘛。話應無大礙，重話今年可能同舊愛復合？……幾乎爆粗。
佢：「妳打扮吓啦，其實妳好靚架，但就硬係冇光采。」
我反眼：「咁點先至有光采呀？」
其實只不過每次夾啱搵佢都係做完 gym 着住波鞋冇化妝、返早趕出門沉悶單衫西褲、星期五 casual wear 之類……

哈，今日我去拎新眼鏡，着晒 biker jacket 黑 lace 半透明紗裙畫埋眼線。睇你又講乜。呵～～

By asasa at 06:59 | link | comments | liiiife

冷靜

琴日鵪鶉男同事又激怒蟹座女同事。
其實好多嘢都有唔同做法，男嗰邊無疑係太過冇 sense 兼太就得人，好容易就會畀街外人乘虛而入，被插到漏水上頭責怪落嚟都算，最驚係外邊渲染玩大難收科，到時部門翻艇都有之。
但。
其實都唔洗下下大聲呼喝。
做女仔就有呢度好，鬧臭人，都重可以當做經期前後永久情緒失調症。如果係男人？啍，一早畀人唱到渣都冇得剩。

不過，小姐，都係客氣啲好。佢都只不過係妳既同事啫。

By asasa at 07:24 | link | comments | joooob

黐撚線

真係好笑，check 返 tracker，明戀我前度失敗嗰條女用雅虎搜尋器查我個 xanga 朵，然後 click 入去睇，重要係次次唔（敢）click「next」去睇我之前既文。

除咗「黐撚線」同「蠢」之外，我估佢其實係想睇我前度既嘢囉，例如目及吓我有冇 post 相之類。好撚好笑！
姐仔，唔好扮晒嘢嘞，妳個 blog 寫到幾懶係撇脫，妳咪又係掛住佢！唔好自欺欺人啦！戇鳩鳩咁。

╳╳╳╳╳╳╳╳╳╳╳╳

來自阿存

Take this quiz at QuizGalaxy.com

╳╳╳╳╳╳╳╳╳╳╳╳

來自 xxdakenxx

By asasa at 07:21 | link | comments |

嗱班馬喇我

南韓農民真係好嘢，咪爆香港警察重公開恐嚇：「嗱我而家班馬，你好醒醒定定放我哋走喇嗄！」再搵幾丁友玩排毒絕食，夠晒感人肺腑！

而家唔洗司法程序架喇，佢哋話佢哋啱晒咪就係啱晒囉，香港呢個法治城市快撚啲聽話啦！知冇？！

By asasa at 07:07 | link | comments |

收皮啦

睇到啲人為寵物權益遊行，本來係好事，但好多人只係混水摸魚。
尤其係嗰班住公屋居民，明明居住地點唔准養狗，又養，畀人鬧都照樣得過且過，到畀政府警告嘞，就喊到拆天話「隻狗都有生命」！
嗄？大佬，遊戲點玩你識唔識呀，而家係你害緊隻狗咋！屌你！
我唔會懷疑有人好錫狗囉，好似我親戚嗰隻坐得多床 & 梳化所以唔肯落地既狗──嫌地硬呀！服未！
但香港市區根本唔適合養狗囉！又窄，又冇得跑，主人又忙，啲狗全部心理變態。
攝氏三十度夏天養雪橇狗，唔該你都陪佢着住皮草先好養囉。

如果你係故意違規養狗嗰咋人，唔該，收嗲。

By asasa at 07:43 | link | comments (2) |

頂

琴日跳完舞，被逼同朋友既兩位朋友同枱食飯。
甲：「你響邊？……唔識嚟？咁響地鐵站等。」
基本上，我不相信一個已工作人士會因為「未去過甲地」而不懂去甲地，尤其是甲地只是一個地鐵站旁的超大型新穎商場。
結果，等待中途也通數次電話，由地鐵站等到入閘等到月台。混亂一片。

食飯期間，話題環繞甲不吃菜：「瓜？我食架，西瓜囉！哈蜜瓜都食架！木瓜就唔食，木瓜奶就飲，有用嘛！」
我正在啃的一舊雞卡在我喉嚨椗。
「我打機時一路食薯片雪糕汽水……係囉，又食肉，皮膚好差。」
友：「又唔飲水。」
我（強笑意圖融入話題）：「咁對皮膚差喎。」
甲：「水都冇味。」
OK。

甲又講起自己的姐夫很闊綽，常彈錢給她花。
甲以「我覺得呢件事好好笑」口吻：「響姐夫公司做暑期工，我上完網 MSN 完傾埋電話先做嘢！都做得掂喎！」
哦，原來投閒置散也可當豐功偉績般四處宣揚。
我和朋友談及退休約要五百萬才能安穩。
比較鵪鶉的乙：「噢……我想我會有二百來萬吧。」
甲：「退休？我淨係想（大學）一畢業就退休！靠我姐夫！哈哈！」

甲指家姐請她去看蘇民峰。
我抖擻精神，總算有個突出點的 topic。
講完自己有「讀書死好命越溫越低分所以唔溫書」，「佢話……」
甲欲言又止，正常人也知道是關於感情。
我冷眼看着甲。
甲的口張了又合數次，最後又以招牌低智笑容說：「我有好多桃花！但係係爛桃花！哈哈哈！」
完。

我只能慶幸，因為家遙，一早決定不跟他們吃飯後去看戲。

By asasa at 11:06 | link | comments (4) |

起撚晒火

我唔係好撚明白，家中兩老做乜撚嘢咁撚鍾意半夜三更開拖，例牌一邊冷嘲熱諷互串、一邊大聲互喝互「噓」對方，咁都算嘞，佢哋重要同一 pair 對答鑊鑊重覆二萬幾撚次！

琴晚我終於忍唔住扯火（凌晨兩點幾），敲門鬧佢哋有嘢聽撚日先講，我要瞓！

睇怕佢哋都唔知我講乜（飲咗酒），但好慶幸佢哋真係收撚咗聲！

你哋唔怪得我信奉發火。

By asasa at 07:19 | link | comments |