ASASA livly 樂園

　
　
　
　

•  

死死

終於死死團齊腳！期待已久死死大食會：梅酒梳打、芝士、法包、沙律、薯片、煙三文魚、橄欖、激惹味菜脯豆豉炒蜆、白灼彈跳鮮蝦、蛋糕（仲響雪櫃未食）……

yummy。

冇咗呢種聚會，人生仲有乜意義。

By asasa at 08:10 | link | comments (4) | fooood

算吧啦

睇到 K 條舊菜既 xanga，好唔順超。
嗰位小姐聲稱自己傷心到「欲仙欲死」，然後唔夠一頭半個月就有條新仔。
有新仔之後，就立即由怨婦角色一變，變成大力數臭 K 既潑婦。
佢不時明串暗諷，讚完一句自己新男友，就踩 K 一腳。
成日講話自己「怕咗再去愛」，因為傷得好深……咩對人「好好好好」都係冇好結果之類。
又狂 post 甜蜜照，或者「懶係同 fd 玩得開心」照。
大佬，唔識妳都知妳唔係自戀囉，係想威俾舊男友睇囉。
但，小姐，妳條仔「正」，冇乜好威囉！因為妳咁樣做，樣衰到爆！
一個正常人，如果真係咁滿意目前既新生活，而佢又真係覺得前度「不值一提」，佢係絕對唔會篇篇日記都提住前度囉！

最正既係，呢位小姐竟然寫嘢俾 K 既現任女友 S！
佢話「覺得好開心，佢（K）愛我多過愛妳（S）！」……又話 K 當自己係公主，對現任就差好多嘞，所以佢「鬆一口氣」，「終於可以面對成件事」……等等！

嘩，想問問各位觀眾，你有冇見過咁唔知醜既人呀？
唔講都知好笑啦，妳對佢「咁好」，佢都飛咗妳，而妳自己話佢愛妳多過愛現任？
咪玩啦唔該！醒吓啦妳！妳再咁落去，全球人類都會好明白點解妳俾人飛呀！

所以奉勸各位男人，你唔好以為有女肯送上門就係執到呀！
重有，如果妳而家個女友好正常，記住劏雞還神呀！
重有重有，各位姊妹，玩唔起就唔好玩，分咗手就丟低過去，唔好以為女人數落男人老鳳可以博得全地球同情！
記住！女人都要有「品」架！

By asasa at 15:11 | link | comments (5) |

L16

同老細、隔離組老細、同事等等一圍人去 L16 食飯。
嗯，其他餸都 so-so，但個碌柚沙律真係好鬼好味！
謎團：點解呢度啲碌柚永遠又肥又多汁全帶少少粉紅色咁靚？
反而個汁只係魚露加蜜糖啫，加少少鹹蝦乾、花生，唔算難。

一圍人食飯，例牌就梗係加餸──講是非啦！
今次（其實係次次）既主角，當然唔少得廢柴哥！
講起我串佢呃鐘嗰段對話，真係笑到碌地。
講真，連隔離組同事都「學」得到柴哥啲衰格說話、行為，好心柴哥自己反省吓啦。

anyway，食飽飽，成團人一齊返公司。

因為遲咗少少，所以都幾礙眼。
當然，對廢柴嚟講就特別「銀」眼啦──啋！乜唔預我架！（蘭花手加怨婦眼神）

嘿。feel 到佢特別靜，唉喲唔通唔叫佢呢個大忙人食飯傷害佢弱小心靈？

By asasa at 13:57 | link | comments | fooood, joooob

另一西人

其實，除咗廢柴之外，公司重有另一位西人。

designer，顧名思義，負責 design 啲嘢。
designer 有幾重要，視乎間公司既業務性質而定。通常，agency 既 designer 就最重要。
我呢邊，你但求冇錯再加少少變化就冇問題。創意？又唔係 creative director，洗鬼創意呀。

但，我哋嗰位祖母級 designer 真係未免太過有呃飯食之嫌。

返工、食飯遲返少少嗰啲，算嘞。
電話校到爆大聲，全 office 以為自己電話響，而且一路狂響響到人人心煩意亂（祖母唔知蛇咗去邊），都算嘞。
成日淨係聽到妳同啲孫講笑，都都都算嘞。

但妳最好唔好成日漏咗呢句漏咗個字咁囉唔該！我係 send soft copy 俾妳架大佬！
重有響趕嘢時唔好俾我睇到妳繞埋手睇雜誌囉！
重有啲嘢做好咗唔好粒聲唔出放響妳張枱唔叫我去攞囉！

月薪四皮幾嘢呀大佬！呢個乜嘢世界呀！

By asasa at 10:22 | link | comments (7) | joooob

賓尼兔

啋！kenken 響萬聖節變咗身喇！最衰係琴日 motime down 咗！

今日 mero 官網又變咗身。懶 retro 咁。



不過真係靚過之前好多！起碼都似返個「home」吖～～

而 kenken 又試出乎意料之外咁學咗好多勁完整既詞語，重有兩 pair 三個字既辭藻！拿拿臨 cap 低先～～

By asasa at 14:35 | link | comments | mero