ASASA livly 樂園

　
　
　
　

•  

頂

kenken 再次亂碼，明明 smack 都 552 嘞，佢仲係 524！
再睇我新燒嗰個 RSS，做咗嗰一日又再次亂碼，我頂唔順啦！終於用 smack 個 blog 再燒一條 RSS 俾 kenken，話之佢啲字係一樣！
橫掂據其他人既經驗嚟睇，同 blog 都可以食唔同字。

♪♪♪♪♪♪♪♪♪♪♪♪

今日真係好笑，嗱，通常一個男人咪好強調自己好「強壯」、可以撐起半邊天咁既？
晨早流流，我竟然聽到一把男聲話自己「真係好辛苦」、「再返工一定 lui 低」、「病到死死吓」喎！
唔洗問，當然又係偉大忙碌到冇時間照料自己身體既廢柴先生啦！
勞苦功高既佢，又請病假喇！
聽到佢特登大聲而完全缺乏演技嗰幾吓咳嗽聲，真係天地為之動容！

佢走咗之後，因為有人遲到而搞到亂糟糟被拖累既隔離 section 老細話：「真係要叫啲細路以後唔好再遲到！」

By asasa at 10:25 | link | comments (2) | mero, joooob

我又有粉蕾蕾燒賣

一起身發覺陽光普照，心裡面即時 XX 聲，「大佬俾個面呢，唔好趁我留響屋企同返工先有太陽然後一想游水就陰天好唔好？」

話說兩老又返大陸七日嬉戲，老弟響呢個家只剩名字虛在（形體靈魂長存女友家），小弟又梗係趁此良機出去會女友，得返我（嗚嗚～～）、工人同 5  1 ，隻貓仲係琴晚先做完絕育手術半死咁款（我都差唔幾）……

好悶呀。

為左激勵士氣，我入廚房弄兩手……就係煮蝦餃燒賣同迷你雲吞勒！（喂，明明係即叮點心！咪玩啦！）

熟我既都知我個印傭黎左幾個月，但身為么女既佢真係完全十指不沾陽春水，家務煮飯打掃都「生勾勾」──生手過乜！講真，佢係真係可以連煮碗快熟連紫菜湯包雲吞都可以搞到淡茂茂！我唔想全日既第一餐就俾佢搞串個 party，於是就親手行刑勒！

用鋼煲煲水，落一大包蝦餃、一大包至尊蝦餃（excuse me，我係蝦餃狂！）、六粒燒賣同八粒雲吞。雲吞用大滾水放海苔湯，點心就加小半碗用生抽 + 糖 + 熱水撈成既「速成蒸魚豉油」。禮成！

嗯嗯唔唔習習習習……好味唔唔嗯嗯……（要求 = 頭腦 = 簡單）

好啦，食飽飽，我又要衝刺 freelance 勒，兩日交六千字真係收買人命！

By asasa at 11:13 | link | comments (2) | fooood, liiiife

減價呀！

嘩！終於響惠康搵到 wild vines 桃子白酒！ 特價 $39.9 咋！啋！我咪即刻買左僅餘既一支囉！連士多啤梨味都買埋，未試過唔知好唔好嘛！返到屋企即開，配住卡樂 B 原味薯片（好明顯未食 luncheon！XDDD）……唔……都唔係太甜啫，但唔會夠桃子味好飲囉。

仲見到 rosemount estate 既 shiraz，之前我都講過係超級價廉物美，不過香港賣 $165，貴過 honey 嗰邊少少。

仲有淘大急凍點心竟然由平日每包 $15.9 減到 $20 四包！唔係呀 fa！我梗係即刻狂掃八包蝦餃 + 四包燒賣拼牛肉啦……奸商奸商，好彩我平日甚少買正價既嘢啫！

連我平日最鍾意食既超力牌淺草汁味（= 味精）烏冬都由 $14.9 減到 $9.9 仲要買滿 $50 有九折……當然又係即掃六包……

滿載而歸！

By asasa at 13:00 | link | comments (2) | fooood

天氣的錯

剛和好友在她們的朋友開的咖啡店 hae 完回來。

沙發很不錯，食物太貴了，但可以理解，小本經營是這樣的了。還開在最繁華的時代廣場對面。

兩隻白貓很好笑，但更令我想起收養了我家三小貓那位女孩子再早些時候收養的那隻大白貓「兔髀」。

M 說，她有位女性朋友是「三號」人，事事計畫周詳，畢業後頭數年狂賺錢打造自己的事業王國，然後覺得到了要結婚的年齡，便飛了舊男友，泊了另一個（即是上一個、上上一個和上上上一個亦是）有錢仔的大碼頭，拍一年拖便「慫恿」對方向她求婚，火速成婚火速生仔，幾單人生大事都在卅歲前完滿演出成功。好，搞掂，當然，她還有滔滔不絕更多「卅歲後要達成」的計畫。

她的人生，絕對成功過成功。

女人都應以她作榜樣，這樣不但能控制自己的命運，更能節省大量社會資源。


不過


我卻只覺：妖……。

就當我愚子不可教吧。

無論如何，我沒有幾十萬月薪，幾億身家老公，不過我有很多可以選擇如何過的日子。

所以，我要振作。

水象星座死死團團員也要振作。

By asasa at 23:16 | link | comments (3) |

乜講得我咁好呀

星座占卜

巨蟹座     處女座     獅子座     獅子座     處女座     整體性格 為人著想，體貼周到；冷靜沉著，作風委婉，努力工作盡情玩樂；也有寬宏大量，重視公平公正的一面。 待人性格 合乎情理；有人情味；既喜歡與人同樂也能樂於獨處；含蓄保守；容易袒護自己人；能夠守口如瓶。 處世性格 能夠積極表達主張；有為有守；有立場也能溝通；相當注重細節；穩健踏實；隨性自在機動靈活。 性格缺點 比較節儉老是斤斤計較；有時候容易忌妒佔有欲強；偶爾會粗心大意馬虎草率。 價值觀 追求完美；實用實際實惠；親密的感情；較不擅長：冒險犯難；與眾不同；出頭爭先。 愛情性格 在愛情上較不適應急躁的進展步調，懂得欣賞浪漫，不太能給對方自由；較常表現：溫柔感性，氣質優雅，古道熱腸，八面玲瓏。 金錢性格 花錢很得體不浪費也不小氣，能夠按照計劃用錢；容易把錢用於：享受美食，紓解壓力，講究排場，崇尚唯美。

By asasa at 13:59 | link | comments | gaammes

kenken 成長日記：「我要出嚟行一 day！」

喏，這是 kenken 近來學的字……很不錯呢！

反而 smack 學的東西有點悶，沒興趣 cap。

說起來，原來養小水滴才不過兩個月……我的天，好像一輩子那樣長，每天盼兩隻衰野長大、學新技能，又為了讓它們有好的「生活條件」努力搶種子，將平板的綠草原變得繽紛可愛、花團錦簇，現在還伸長頸等它到青春期變色……

難以想像真的生兒育女是何．等．難．熬！

By asasa at 08:56 | link | comments (2) | mero

紅水滴的進化

話說現在白水滴家姐 smack 已有 504「ｘ口度」，kenken 因為 motime 亂碼遲了一天長大，但也近青春期了。

有些人不喜歡黑色，我卻特別喜歡，黑色好有型格！加支槍便可和金城武一起暗殺仇人（汗）……不是藍水滴那樣黑色手腳還要加深紫面孔便行。

每個人心裏都有撒旦。

老實說，我巴不得讓出一隻殺手出來，明目張膽幫我殺死那些麻煩友，將他們切成一塊塊丟進大西洋餵魚，相信那些甚麼鮪魚鯨魚鯛魚油甘魚墨魚帶子生蠔赤貝北寄貝龍蝦牡丹蝦都會吃得快快樂樂，大家吃的刺身分外鮮甜可口。

By asasa at 12:42 | link | comments | mero, liiiife

遲咗

聽著廢柴 claim 車錢，不停諗縮數，又厚顏無恥大大聲：「係呀，我遲咗出門嘛……」

嘿。

By asasa at 10:34 | link | comments | joooob

宜得你死

甚麼！水滴日本方面又出新花！頂你，舊既都未搵晒！

現在這些花已經成為一種壓力了，大家只會怨毒、無奈、神經兮兮地盯住人家的花園，再也不覺得找到種子是件樂事。

撇開這點不說，牽牛花（水壺）的確漂亮，這隻叫朝顏的花當然是日開夜合，藤蔓如一隻纏綿的手，捲住心愛的人不放。

By asasa at 08:06 | link | comments | mero

三世緣

且看看閣下的三世因緣
今生衣祿
信女 asasa 戊午生人，少年時事端多多，六親無靠，最後都名利兼收。
前世	後世
前生從鄭州來本姓岑，為：	後世去彰州王家托生，為：

今生性格

今生性格似大象 你的性格有如一隻大象，為人沉實敦厚，有大將之風，做事有恆心，有毅力，對解決難題的能力亦不差，而且性格坦率，不愛虛偽。至於缺點則是太過自我中心，凡事都堅持着自己的一套理念，較難接受別人的意見。戀愛方面，與性格柔弱，主見不強的人較為配合。

今生衣祿寓意詩

「六月生人性最良，為人口快又高強，文臣遇此居堂佐，土庶逢之主壽長。」生於子時末，夜祿自然有，一生人近貴，為官作宰相，富貴大家風。

咩料呀，餐餐都話我前世係雞！

By asasa at 20:33 | link | comments (3) | gaammes

東坡魚、東坡湯

小米皇后問我東坡肉作法如何，我怕誤人子弟（我一向不理食譜中寫的分量，只會自己試味至喜歡為止），於是慌忙衝浪找正統的食譜。search 呀 search，忽然在人民網的美食區見到有東坡……魚？咁得意？……嗄，還有東坡湯？！！！！！！實在太有趣了 ，一定要跟大家分享！

東坡魚

材料：
鯉魚／吳郭魚（mouthbreeder）…… 1 條
大白菜、蔥段、生薑……各少許
橙皮切絲……少許
豉油、酒……適量

做法：
1. 魚身抹鹽，肚內塞大白菜。
2. 用油起鑊，下蔥，將魚煎至半熟（小秘技：別心急翻魚身）。加薑、豉油、酒，煮至熟。
3. 橙皮灑魚面，上碟。

東坡湯

材料：
煮至半熟的飯、白菜、蘿蔔、菜心（普通話叫「油菜」）、馬蹄（荸薺）……各適量
薑絲、鹽……少許

做法：
1. 鍋內燒水，上置一蒸籠。
2. 將全部蔬菜放進水裡，加薑絲及鹽煮熟。
3. 飯放在蒸籠上蒸熟。

不過，我不太愛吃魚，那湯聽上去又不太吸引  ……這兩味東坡菜的食評，看來要待大家提供了！

另外，找吳郭魚是啥時，見到一個很簡單的魚癡網頁，有常見魚類名字中英對照，以及半句起一句止的食譜（爽！），大家不妨看看。

By asasa at 09:29 | link | comments | useful links, fooood

我份工

阿施女士唔該你收皮啦，扮晒為民請命，你知唔知做電台主持唔可以冇禮貌 cut 人線架？！你有冇收過教育呀？！
老細，你唔好再講嘢喇，血紅色 email 多到睇唔切喇。
廢柴又厚顏無恥問我攞嘢食，你話係咪化境呢！不過佢好忙，要外出，我可以享受輕輕鬆鬆三點鐘嘞！

大家樂～～

By asasa at 13:51 | link | comments (4) | mero, joooob

EQ 低

我是那種情緒很易大波動的人，所以絕對不適合做新聞。近來甚麼教統局、癲佬斬死舊女友、九一一、塞普路斯空難等等的新聞，都令我很不舒服。

但老實說，這種性格，不但沒有甚麼其他工作適合，連做人都不適合。

或者我應該「立志」早一點，十三歲便去做娛樂圈藝人歌手、戲劇從業員甚麼的。

By asasa at 09:26 | link | comments (2) |

又請假呀

廢柴又要請上半晝假同隻貓睇醫生喎，佢真係好鬼忙既啫，生活上事無大小都冇佢唔得，搞到佢連工都唔得閒返，真係羨煞旁人！不如大家幫吓手計計呢條友一個月請幾多假吖，我數口唔好呀，驚計多咗會影響佢日理萬機既形象吖嘛，係咪先。

即係呢，好耐之前成 team 人食飯講起「朵」呢個 topic 喎，有人大言不慚：「hey！其實朵呢家嘢邊信得過架！我以前響第二 team 夠俾人話我懶啦！咁你話我係咪懶嘞！」呢個問題當然冇人開聲答啦！

哈，你哋話呢？

By asasa at 08:22 | link | comments (4) | joooob

紫色的心

專幫非 G.L.L. 會員餵特定蟲俾 livly 食既亞菜 B 重出江湖！我託佢再餵我隻衰野升 level 黑色蟲。

俾錢佢時用技能「/doodoo xxx（xxx = 銀碼）」，livly 就會疴寶……石……

平日絕對唔會出現既紫鑽石，就係 $500 嘞 。

By asasa at 17:53 | link | comments (2) | livly