ASASA livly 樂園

　
　
　
　

•  

薯片夾牛角包

今日 lunch 吃的是薯片夾牛角包，還有果子酒。

漢堡包點雪糕，薯條點雪糕，豬柳漢堡蘸熱香餅楓蜜糖漿，包了鹽漬櫻花的紅豆湯圓……我最喜歡又鹹又甜的食物。

有人說鹹甜同吃會生「痱滋」，我從來都沒有這問題！就算吃薯片或是甚麼的也不會標暗瘡。不過我一向都不喜歡吃熱氣東西，因為我最愛唱歌，但很易喉嚨痛。

牙骹又痛，大概是下雨的關係。真麻煩！偏偏我又是最喜歡吃個不停的人。

By asasa at 12:06 | link | comments (3) | fooood

繼續期待　我只要繼續期待

一周一度既星期五又黎啦！

真係好期待啊！

廢柴例牌又請假去見女友啊！感謝上帝！

By asasa at 21:54 | link | comments | joooob

凳

其實家教呢家野好微妙，唔係話陰聲細氣蘭花手就叫文質彬彬。

譬如話，明明知道自己坐響一條好窄既走廊附近，但係每次起身、行開，都任得自己張凳大剌剌低留響條走廊正中間，阻撚住晒，呢 D 咪係冇家教囉。

By asasa at 15:03 | link | comments (2) | joooob

kenken 成材勒

你睇！阿仔忽然變左完全體喎！



p.s. 我好鍾意佢學左個「兜」字！

By asasa at 12:21 | link | comments | mero

咪係囉

資深同事：

「佢日日遲到，咁就即係應該知道自己要早 D 出門啦！」

「佢請假同個最細（職級）既講？！黐──線！」

「佢話自己忙？佢知唔知咩係份內事？都未聽過男人咁講野！」

By asasa at 08:29 | link | comments | joooob

靜思

嗱，我認真諗過嘞。

其實廢柴都係一番好意啫。例如佢不停提醒全球人類做呢做囉，係因為佢體恤我哋呢班淨係識準時返工但工作效率智力記性都比佢差既同事，響「確保全 team 運作順暢」呢個大前題之下，特登高調講多兩句啫。

至於我討厭聽到佢講嘢，例如「嗰次我一起身發現隻手唔知點解好多蚊癱喎但明明我屋企冇蚊架嘛一定係跟得本蚊書太多（呢本書出得成全賴有佢冇佢本書實出唔成）」之類，只不過係我本身見識少冇聽過其他男人講呢種話題啫，絕對唔係因為人哋語言無味！

我真係要檢討一吓自己既思維方式。

By asasa at 10:50 | link | comments (8) | joooob

小水滴大變動

如果你還未發現不妥，我要大聲宣布將水滴放在 blog 內的 code 已變更。

大家請多多利用小水滴專區 update 有關 meromero park 的消息。

By asasa at 09:43 | link | comments | mero, useful links

死心不息

廢柴一而再、再而三意圖同我開拓話題，我都非常臭寸咁回應：

柴：「sa，今日我想請 time off，如果我走之前老細未返，妳幫我同佢講。」
我：「你咪打佢手提囉，你點都要同佢講聲架嗄哇。」
柴：「呃……」
我唔明佢諗乜囉。有啲人成日都無啦啦為雞毛蒜皮小事問老細攞假架啦！洗乜怕醜啫！

隔兩秒，佢又「嚟腎」。
柴：「今日晏晝（成 team 人）食飯，妳記得呀呵？」
我：「記得。你記得我都記得格。」
柴：「……」

係，冇錯，其實我都覺得自己有少少衰，人哋咁友善我就咁冷酷。但，真係好抱歉，我冇辦法同成日為啲貓貓狗狗女朋友請假既勤奮忙碌同事保持友好關係。

唔記得講，人哋都未請假，已經老定諗住走，因為佢個特異層次女友打電話嚟：
柴：「……響公司囉……未出門呀……係呀，唔洗咁早格……得啦，妳到時響邊度邊度等我……」

印象中，我仲以為一個員工死老母先可以突然返咗工再請假出去整嘢添。

By asasa at 08:25 | link | comments (10) | joooob

祈求天父做十分鐘好人

廢柴真係好撚忙。梗係啦，又要每日遲到半粒鐘，又要食早餐，又要同老細不停吹水，又要每星期請一日假陪佢嗰個唔係九五既女友……。

佢好鍾意響 office 踱步。奇就奇在明明佢個位響另一邊，但佢會兜晒圈由我既後方行過嚟。
白痴都知佢想（目及）我電腦 screen 囉。

佢又特別鍾意響我隔離嗰堆文件度摷東摷西，然後扮晒專心睇文件專心到要停響我個 partition 板隔離，然後睇睇吓就忽然抬起頭成條纖腰黐落塊板度問我：「sa，做緊乜呀？」

大老細請食飯。行去酒樓時，柴哥不停撩我講嘢，仲非常悲天憫人咁講：「我而家冇咁忙架喇，妳啲嘢太多的話可以 assign 啲俾我。」
我：「唔多喎。」

我叫你唔好同我講嘢呀。

By asasa at 13:10 | link | comments (3) | joooob

柴主席語錄

廢柴終於成為「廢柴國」永久最高主席。

搞 programme 中場，癲老細同柴食「蛇羹」。我後到，坐低。
老細：「嗌嘢食啦 sa。」
因為我食咗飯，所以只叫嘢飲。
枱上有一大碟 club sandwich，好似食剩。
柴：「sa，食啦。」
我：「我食咗嘢。」
柴：「食啦，食剩嘥嘢呀！」
我（心想：關我撚事）：「又唔係我嗌既。」
柴：「我哋係 team work 架嘛！」

team 你老味。

By asasa at 12:49 | link | comments | joooob

下午茶

眾人在研究吃甚麼糖水。

C：「……不如食桑寄生蛋茶。」
柴（本來沉默，忽然搭嘴）：「預埋我份。」
C（奇）：「乜你都食既咩？」
柴（蘭花揚絲巾啋人手）：「hey，我平時太忙冇時間啫。」

大佬，顧及吓全球生態同埋各同事既胃部健康好唔好。

By asasa at 14:32 | link | comments (4) | joooob

上樑不正

醫師說我的腰骨移位得厲害，勸我多游水。

我當然想，何況游水是我最喜歡又最（惟一……）擅長的運動。

可是交通如此不方便，還要拎著一大袋泳衣毛巾膠袋走來走去，累壞人……洗完頭又走進廢氣街道人群中，十分惡心。

想想，真討厭住得那麼騎呢，每天乘萬八小時的車，公車座位設計永遠不是令你背部僵硬就是頸部前傾，沒得坐站著更是腰歪腳拗，揹著任何類型體積重量的袋子都會讓你肩酸膊側。偶爾來二十分鐘尚且可以，像我那樣每天來回三小時，根本就是精神和肉體虐待。

無論你是否相信風水，但明顯地我家的座落位置，已經間接影響了我的健康。

By asasa at 22:45 | link | comments |

禮物怎包才好？

討厭香港的店子，全無美感。

每次要買花紙，都心灰意冷。除了文具店那種充滿祖國氣息／日記風格小動物／假哈嚕吉米的花紙外，就是西武或 papyrus（spelling）那些貴夾沒有靈魂的包裝紙。

請問，有沒有那種像杯墊那樣有花花形邊緣小小通花的花紙？
……
即是，有通窿那種！
嗄……冇喎。
……咁……凹凸花的呢？
哦，有，這種。
……不像牆紙的有沒有？
……？？？？
即是……例如這些凸出來的東西是其他圖案之類。
……噫……
……算了，有沒有其他顏色？
啊有！這個這個這個。
嘔……算了。有公仔的就只有那一堆？
是呀！
純色的有嗎？
沒有，花紙嘛總是彩色好看點。

通常，結果我會買純色薄畫紙，或是索性用雜誌紙／牛皮紙。

雖然為了環保包裝紙這類東西理應廢除，不過，大家總有想 impress 別人的時候吧。

也許就是因為大家都放棄追究，所以花紙的素質益發每下愈況了。

現實中，何止花紙。

By asasa at 08:26 | link | comments | liiiife

多多指教

既然有人開到口，我惟有將以前俾人拎去博物館展覽既舊作 post 出黎大家睇下啦……

獻醜勒：

By asasa at 20:50 | link | comments (5) | liiiife

最後勝利

元朗的「勝利牛丸」非常出名。

老實說，連喝味噌（味精！）湯都津津有味的我，並不覺得那些牛丸是天上人間的美味。跟「B 仔涼粉」或「峰壽司」一樣，有很多人趨之若鶩，巴不得日日去吃。我不是對這食肆嗤之以鼻，但總之就像街邊魚蛋一樣，偶爾想吃，不過不吃不會死也就是了。

能在一條「L」形街連開兩檔，只賣牛丸、牛腩粉麵加汽水，還可以每天準下午七時風騷收檔，箇中有啥橋妙？

──其實沒甚麼特別。「足料」而已。



人生在世，「料」真係好撚緊要。

By asasa at 15:46 | link | comments (2) | fooood, liiiife